Përfundon numërimi i votave preferenciale në qarkun e Lezhës

Pas numërimit të votave preferenciale në qarkun e Lezhës është përcaktuar përbërja përfundimtare e deputetëve që do ta përfaqësojnë këtë qark në Kuvend.

Partia Demokratike ka siguruar katër mandate, ndërsa Partia Socialiste tre. Nga lista e mbyllur e PD-së në Kuvend do të hyjnë Agron Gjekmarkaj dhe Elda Hoti, ndërsa nga lista e hapur, më shumë vota preferenciale kanë marrë Gjin Gjoni dhe Aleksandër Lala. Ish-deputetja Lindita Metaliaj nuk arriti të sigurojë mandatin.

Nga Partia Socialiste, dy mandatet e listës së mbyllur iu besuan Ulsi Manjës dhe Ermal Pacajt, ndërsa nga lista e hapur fitoi Marjeta Neli, e cila siguroi një vend në Kuvend.

Votimi jashtë vendit vazhdon ende, me 9,600 zarfa të numëruara nga 11,835 në total.